Innanlands

Føroya Tele lagt nýggjan sjókaðal í danska Norðsjónum

Nýggja sambandið skal tryggja, at orkufelagið TOTAL hevur eitt trygt og støðugt samband til teirra Norðsjóvar virksemi

Halfdan pallurin í danska partinum av Norðsjónum, sum nú hevur fingið tryggjað sær fipursamband frá dótturfelagnum hjá Føroya Tele samtakinum, Shefa, til høvuðsskrivstovuna í Esbjerg

Halfdan pallurin í danska partinum av Norðsjónum, sum nú hevur fingið tryggjað sær fipursamband frá dótturfelagnum hjá Føroya Tele samtakinum, Shefa, til høvuðsskrivstovuna í Esbjerg

2020-12-11 16:04 Author image
Jan Müller

[object Object]

Sjókaðalin hjá Shefa røkkur 220 kilometrar frá HALFDAN pallinum til Esbjerg.

 

Dótturfelagið hjá Føroya Tele, Shefa, hevur í ár lagt ein nýggjan 220 kilometrar langan sjókaðal millum høvuðsskrivstovuna hjá orkufelagnum TOTAL í Esbjerg út til HALFDAN leiðina í danska partinum av Norðsjónum.

Hóast avbjóðingar í sambandi við COVID-19 farsóttina, skilur oljan.fo, varð arbeiðið væleydnað og gjørt liðugt í november. 

 

[object Object]

Nýggja sjókaðalsambandið hevur fingið navnið HRONN. Saman við CANTAT-3 sjókaðlinum, sum varð knýttur til TYRA feltið í 2012, skal nýggja sambandið tryggja, at orkufelagið TOTAL hevur eitt trygt og støðugt samband til teirra norðsjóvar virksemi.
 
Lesið eisini komandi grein á oljan.fo um arbeiðið og royndirnar hjá Føroya Tele samtakinum sum veitari til altjóða orkuvinnuna á Atlantsmótinum, tvs. millum Føroyar og Hetland og í Norðsjónum.
 
[object Object]
Frálandsskipini, sum løgdu føroyska sjófipurkaðalin í Norðsjónum, her við bryggju í Esbjerg eftir vælútint arbeiði.