Uttanlands

Hetlendingar løða nú bilar við sjóvarfalsorku

Streymurin kemur frá sjóvarfalsorkuverki á oynni Yell í Hetlandi

Fyrsta løðistøð við streymi frá sjóvarfalsorku til elbilar í heiminum er nú veruleiki hjá okkara næsta granna Hetlandi

Fyrsta løðistøð við streymi frá sjóvarfalsorku til elbilar í heiminum er nú veruleiki hjá okkara næsta granna Hetlandi

2021-03-22 13:45 Author image
Jan Müller

[object Object]

Tað er skotska fyritøkan Nova Innovation, sum stendur fyri hesum nýggjasta tiltakinum innan varandi orku í Hetlandi. Løðistøðan er eisini tann fyrsta í heiminum av sínum slag. 

Seinastu fimm árini hava turbinurnar hjá fyritøkuni i Bluemull Sound nærhendis havnini í Cullivoe á oynni Yell framleitt streym til húsarhald og vinnuna í Hetlandi.

[object Object]

Simon Forrest, stjóri í Nova sigur við orkumiðilin Energy Voice, at teirra fyritøka hevur ment tøkni til at framleiða streym frá tí nógvu orku, sum er í sjónum. Hann sigur, at nú tey hava verið við til at veita streym til vanligu húsarhaldini, verður nú farið víðari til at kunna veita streym til akfør.

[object Object]

-Hetta er eitt stig á leiðini at koma veðurlagsbroytingunum til lívs og arbeiða fram móti null CO2 útláti. Hann vísir á, at í november fara øll heimsins eygu at hyggja at Skotlandi, sum fer at hýsa komandi veðurlagsráðstevnuni COP26. Hon verður í Glasgow.

[object Object]

Simon Forrest dylur ikki fyri, at teirra fyritøka fer at vekja ans á ráðstevnuni sum eitt stig á leiðini at framleiða orku úr flóð og fjør til bæði streym, upphiting og flutning, nakað, sum allur heimurin kann gera sær dælt av.

[object Object]

Í bygdini Cullivoe eru tey sera fegin um nýggju løðistøðina, sum fær orku frá sjóvarfalsverkinum í økinum. Nýggja orkustøðin er bygd við stuðuli frá almenna grunninum Transport Scotland.  

[object Object]

Eisini í Føroyum verða royndir gjørdar við sjóvarfalsorku. Tað er fyritøkan Minesto, sum saman við SEV royndarkoyrir eina sjóvarfalsturbinu í Vestmannasundi. Hon framleiðir streym inn á netið hjá SEV.

[object Object]